ಮುಂದಿನ ವರ್ಷದಿಂದ ಸರ್ಕಾರದ ಅನುದಾನದಲ್ಲೇ ಹಾಸನಾಂಬ ಉತ್ಸವ

ಹಾಸನ: ಹಾಸನಾಂಬ ದರ್ಶನೋತ್ಸವಕ್ಕೆ ಮುಂದಿನ ವರ್ಷದಿಂದ ಸರ್ಕಾರದಿಂದಲೇ ಅನುದಾನ ನೀಡುವಂತೆ ಸರ್ಕಾರಿ ಆದೇಶ ಮಾಡಿಸುತ್ತೇನೆಂದು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಂ.ಶಿವಲಿಂಗೇಗೌಡ ಹೇಳಿದರು.

ಹಾಸನಾಂಬ-ಸಿದ್ದೇಶ್ವರ ದರ್ಶನೋತ್ಸವ ಹಿನ್ನಲೆಯಲ್ಲಿ ದೇಗುಲದ ಆವರಣದಲ್ಲಿ ನಡೆದ ಸಭೆಯಲ್ಲಿ ಮಾತನಾಡಿ, ಮುಂದಿನ ವರ್ಷದಿಂದ ದೇಗುಲ ಸಮಿತಿಗೆ ಬರುವ ಹಣ ಅಭಿವೃದ್ಧಿಗೆ, ಸರ್ಕಾರ ನೀಡುವ ಹಣ ಸಿದ್ಧತೆ, ಉತ್ಸವಕ್ಕೆ ಬಳಕೆಯಾಗಬೇಕೆಂದರು.
ದೇಗುಲ ಆವರಣ ಪುಷ್ಪಾಲಂಕಾರಕ್ಕೆ ಚಿನ್ನ ಅಂಟಿಸುವುದಿಲ್ಲ. ಹೂವನ್ನು ಅಂಟಿಸುವುದು ನನಗೆ ಗೊತ್ತಿದೆ. ಈ ಕಾಮಗಾರಿಗೆ 32 ಲ.ರೂ. ಕೊಡಲ್ಲ 26 ಲ.ರೂ. ಕೊಡುತ್ತೇನೆ. ಅಲಂಕಾರ ಸರಿ ಇಲ್ಲ ಎಂದರೆ ನಯಾಪೈಸೆ ಕೊಡಲ್ಲ. ಅಲಂಕಾರ ಮಾಡುವುದು ಕಲಿತಿದ್ದಿರಿ ಮಾಡಿ ಎಂದು ಗುತ್ತಿಗೆದಾರರಿಗೆ ಎಚ್ಚರಿಸಿದರು. ದೇಗುಲ ಬಾಗಿಲು ತೆರೆದು ಅಂತಿಮ ದಿನದವರೆಗೆ ನಾನೂ ನಿದ್ರಿಸುವುದಿಲ್ಲ. ಮನೆಗೆ ಹೋಗಲ್ಲ, ತಿರುಗುತ್ತೇನೆಂದರು.